Begegnungen

[ska_terboy]

Hey Leute ich habe ein Problem. Bei mir ist vor etwa 4 Monaten eine eher kurze Beziehung zu ende gegangen. Seit dieser Zeit hat sich recht viel getan. Ich muss aber ganz ehrlich sagen, dass ich die ganze Sache noch nicht verkraftet habe. Ich habe meinen Alltag natürlich umgestaltet. Ich habe viel mit Freunden unternommen. Ich lerne oft für die LAP. Aber diese Frau geht mir nicht mehr aus dem Kopf. Wir sind im gleichen Kollegenkreis. Das heisst, ich komme nicht darum herum, sie einmal einen Monat nicht zu sehen. Jedesmal wenn ich sie sehe, bricht es mir erneut das Herz.

Was soll ich machen, das ich sie nicht mehr sehe?

Einfach zuhause rumhocken macht mich noch viel depressiver.

 

[Keep]

hoi ska terboy

du verstahsch ja sicher schwiizerdütsch :]

ich chan dir guet nahfühle, mir gahts im moment öpe glich, nur isch es bi mir das ich ihn ebe genau nöd gsehne, und mich das so sehr unglücklich macht.

ich chan dir nur us siite vonere Frau versueche Rat zgäh...

aber zerscht muessi meh über d'situation wüsse. Hät sie schluss gmacht? oder wiso isch es nur sone churzi Beziehig gsi... oder isch es überhaupt e beziehig gsi ?

wie isch sie, wie alt ect...

gruess

keep...

 

[ska_terboy]

Das han I eigentli scho mal gschribä. Aber egal.

Äs isch gar kei richtigi Beziehig gsi. Miär händ zwar öpis zämä gha, händ das au ganz offä nach ussä zeigt, händ aber niä würkli ernscht drüber gschprochä. Ich ha mich I sie verliebt und sie hät irgend öpis däzwüschä gsuächt. Was äs minärä Meinig na nöd git. Sicher chan mer sich für äs ziitli nöd sicher si öb öpär dä richtig isch, aber sie het diä ,,Beziähig'' ewigs chönä duräziä. Zum Glück han I si dän nach 2 Mönät chli direkter druf agsprochä. Ja und dän ischs verbi gsi.

Ich han sie am Afang mega vermisst. Ich han sie immer welä gseh. Ich bi sogar so wiit gsi, das I vor dä Hüttä durägloffä bin und ghofft han das sie usächunt (oder was au immer). Das hät mi recht kaputtgmacht.

Unterdessä bin I sowit, das Ich mis eigenä Läbä wider läbä chan.

Aber immer wän Ich si gsehn, chunt d'krisä.

Ich ha si letscht wuchänänd im Usgang gseh. ---------Voll übel gsi-------------

Was isch dir so passiert?

 

[Keep]

mir gahts ganz genau glich.... nur de einzig unterschied isch das ich ihn gar nie gseh will er über e halb stund autofahrt vo mir ewäg wohnt und mir gar nöd de glichi kollege chreis händ.

ich han ihn im dezember kenneglernt. mir händ denn au einigi wuche sone meh oder weniger bett-beziehig gha, ich han mich i ihn verliebt, er sich anschinend nöd.

am afang hät er sich immer gmeldet, er hät immer aglütet, uf combox gredet, mail, sms gschribe und irgendwenn isch das weniger worde. Er isch student und hät e mega schwäri prüefigs-phase det gha. Ich han immer dänkt das es nach dere prüefigspahse wieder anderscht wird... das ich ihm jetzt ziit muess gäh und ihn in rueh lahne... doch au jetzt , nach dere phase wo er eigentlich ziit hetti isch es nöd anderscht... ich han vo afang ah mich nöd welle i ihn verliebe, will ich e langi beziehig hinder mir gha han und wills sowiso nüt wordä wär us üs, doch gege gfühl hani eifach nüt chöne mache. Je weniger er sich gmolde hät, de dümmer er zu mir due hät desto meh han ich mich verliebt. Und jetzt isch üse kontakt uf em minimum aglangt, .. eis mail wenns guet gaht i de wuche, kei sms meh... ich bin nöd die wo amene Ma chan nahlaufe, ich han min stolz, aber ich bin au sowiit gsi das halt plötzlich ich die gsi bin wo zerscht es sms gschribe hät und er hät uf di erschte 2 sms vilicht denn gantwortet aber irgendwenn nüme, .. denn hani natürlich au nüme chöne wiiter schribe... ich han mich jetzt sowiit demit abgfunde das er kei interesse meh a mir hät... und das es nöd die strängi Prüefigssziit gsi isch wo ihn vo mir abghalte hät... das es meh e usdred gsi isch .. tja, und somit leb ich mis lebe wiiter... ich weiss das es no einigi ziit wird dure bis ich nüme ewigs a ihn dänke muess und mängisch eifach en riese absturz han will ich ihn so vermisse... und eifach nur no zu ihm will... aber au das gaht verbi... mer lernt mit de ziit demit umzgah...

 

[grundig]

Ich hatte ein ähnliches Problem, wir sind im gleichen Kollegenkreis ich

hatte mich sehr deftig in Sie verguckt, hab ihr das auch gestanden,

Sie konnte leider die Gefühle nicht mit mir teilen. Es war leider halt auch

nicht vermeidlich einander nicht über den Weg zu laufen.

Ihr kennt das, jedes mal wenn man Sie sieht, macht man sich wieder aus

den kleinsten Sachen Hoffnungen, was jedoch nix bringt, man macht sich

nur selber kaputt.

Ein Tipp zu geben ist schwierig in einer solchen Situation, ich bin darüber weg,

wie ich das geschafft habe? Ich habe mir selbst gesagt, es bringt nix ihr

nachzutrauern, es gibt andere schöne Mädels, die deine Qualtäten zu schätzen

wissen.

Ich weiss, es ist schwierig wenn man ihr oder ihm gegenüber steht, man

weiss nicht was sagen, was denken, was man tun soll.

Sag dir einfach, es ist aus, vorbei. Lerne das zu akzeptieren, dann klappts

auch mit dem Vergessen.

Kopf hoch, du kannst das! :super:

 

[ska_terboy]

D’Liebi Isch scho no strub. Wenn mer si hät, weiss mer gar nöd wie schön mers hät. Wenns dänn verbi isch weiss mer mängisch erscht wi schöns gsi isch. Wenns verbi isch fanget d’Schmerzä a. Natürlich nöd bi beidnä.

Komisch isch, das dä Schmerz wo du empfindisch genau glich weh tuät wiä dä wo ich empfindä.

Zerscht han Ich sie au immer welä gseh. Das isch so chli gsi wiä wen I nöd heg chönä loslah. Äs het mer weh ta si nöd chönä z’gseh.

Unterdessä han mi eigentlich recht guät chönä vo ihrä löse. Jetzt wot ich si so wenig wiä möglich gseh. Ich weiss das ich’s nonig verdaut han, schuscht würs nöd so weh tuä wän i si doch mal gseh.

Ich weiss nöd wiäs diär im Momänt gaht aber sowit ich das verstandä han häschs du bi dim Typ ufgäh. Luäg eifach das nöd diä ganz ziit dra umätrursch, das chan di kaputt machä. S’Isch wichtig das mer au chli sich vo all dem ablenkä chan. Mit dem han ich recht Problem gha.

Aber was söll ich machä. Isch ja logisch das so Situationä chömed wo ni si gsehn.

Aber wän sind diä schmerze ändlich verbi. S’Wer ja nöd so schlimm wänn mer ois no Hoi sägä chönted. Si ignoriärt mich di ganz Ziit. Ich ha ihre gseit das gern mal mit ihre über alles vergangenä redä wür. Aber si hät nöd welä. Ich glaub s’würd mer mega guät duä.

 

[grundig]

Sicher würs dir guet tue, aber wenn sie ned drüber redä will, chasch

ned vill mache. Wänn Sie jetzt zumene gspröch zwingsch, das bringts

au ned.

Dass sie dich ignoriert und ned mal normale smalltalk füert isch beschisse,

ich känn das... Isch glaub so ä Frauechranket.

Versuech doch eifach mal mit ihre is gspröch zcho, ned übers vergangene rede

sondern nur so smalltalkmässig halt, äs gseht so us als wenn du uf Sie

zue gah muesch, will Sie's ja ned macht.

Das nimmt d'Spannig, wänn ihr wieder normal chönd rede mitenand.

 

[Keep]

ja liebi duet weh, han sie no fascht nie anderscht erlebt.

ja , ich han eigentlich scho definitiv akzeptiert das es nie meh öpis wird. D'Hoffnig aber chani nöd lösche, die blibt, .. ich weiss, ich spinne eigentlich das ich no hoffnig han, will d'realität gseht anderscht us, aber da er mir nie so en richtige chorb gäh hät, da er mir nie klipp und klar gseit hät das er kei interesse meh hät han ich au immer hoffnig... er hät sich eifach nüme vo sich us gmeldet. Das isch ja logischerwis Zeiche gnueg defür das keis interesse meh da isch oder zumindescht nüme gnueg interesse. Und da ich nöd uf dä chopf gheit bin :schief: han ich das au gschnallt, das es gar kein sinn hät und ich mich selber schütze sötti indem ich mich au nüme melde... aber schmerze hani, liebeschummer und mängisch eifach die sehnsucht nach ihm...

aber ebe s'läbe gaht wiiter ! und selbschtmitleid isch ja au scheisse..

i dim fall ska terboy würdi imfall au eine uf ignoriere mache. Ich weiss, ... es isch mega schwär, doch wenn du dich immer wieder ernidrigsch indem du mit ihre kontakt willsch ufnäh und denn au immer wieder e abfuehr überchunsch duet dir das ja viel meh weh als wenn du sie ebefalls ignoriersch und ihre die chalti Schultere zeigsch.. denn , dänke ich, häsch vilicht no e chlini chlini chance das sie wieder Interesse hät und schnallt das sie nöd alles mache chan mit dir. das du au din Stolz häsch . Denn ich weiss us Frauesicht jetzt gsproche dass das unter umständ chönti öpis nühze. Aber ebe, ich kenne natürlich dini Lag nöd genau und drum muesch du selber entscheide was zuekünftig besser für dich isch...

aber ich chan mir eifach nöd vorstelle das es Gpröch dir die erhoffti Besserig bringt. Denn sie wird dich verletzte. Sie will nöd rede, also wirsch au nöd miteme billige smalltalk öpis ändere chöne ...

findes sehr fiis und chindisch das sie nöd will rede, chan ich mir fascht nöd vorstelle das mer nöd für es Gspröch bereit isch .... aber ich kenn sie ja nöd...

gruess keep... :compi:

 

[ska_terboy]

Isch glaub besser wän I im Moment nöd gross öpis undernimm. Ich glaub ich chan gar nöd über öpis anders mit ihre rede, äs isch eifach no chli zfrüä. Wän ich si asprechä würd isches nöd vill andersch als wenn ich si eifach im Usgang gseh. Ich het nacher wider mega d'krisä und würd mer zvill gedankä machä. Wäns bi ois zumene Gspröch chunt, dänn muäs si afangä. Ich han mi glaub scho gnuäg bemüht das mir ois nöd ignorieret. Jetzt isches halt äso. Mit dä Ziit wird sich das denn villicht ändere.