Sali Kara
Tönt jo gar ned guet bi dir. Mir gots im moment au so richtig beschisse mer chönd glaub bald en club ufmache
Tja, han die sach met de Grossmueter und em Kolleg zemli guet verchraftet (oder verdrängt?). Aber sit em sylvester hät sich mol wider alles gänderet.
Es isch en schöne obig gsi und ich be unter anderem it 5 kolleginne ame tisch gsässe. So ca. am morge am 3 bini dänn einere chli nöcher cho (oder sie mir?). Sit döt hätt si sich täglich mermols bi mir gmäldet und mer händ au es paar mol öppis mitenand unternoh. Do hani gmerkt dass sie meh vo mir wott, aber bi mir bruucht das sini zyt. Be scho mol zemli verletzt worde und bruch halt chly zyt zum vertraue z finde. Doch sit em letzte sunntig isch si uf eimol andersch gsi, so uf distanz und zrugghaltend. Sie mäldet sich au nüm vo sich us bi mer und beantwortet mini sms ersch nach stunde, nöd wie vorher. Ich han si dadruf agsproche und sie hät gmeint si sig sich erne gfühl ned sicher. do hani gmerkt das si mir inzwische sch zimmli vill bedüted hätt. Ich hasse so sache, han sit det nurno a die sach chönne dänke und a was i chönnti falsch gmacht ha. Und hüt esch scho de nächschti mega Hammer cho, aber das isch en anderi gschicht.
Chan dini Gfühl guet verstoh, fühl mi oft au einsam und elei wäni überall päärli gseh, tuet weh, ach mues Liebi schöön si... Aber gnüsse au mis single-läbe, all die freiheite und so.
Wänns mir so got machi am obig gern mit Kolleginne ab, diskutiere über alles mögliche, über Gott und die Welt halt. Das got met mine Kumpels halt ned so guet, männer müend starch si und ned sensibel, weisch wasi meine? Das hilft mer immer.
No es paar wort zu dim ex: Au eini vo mine Lebensweisheite woni zerscht han müese druf cho (wie das met de Sunne) :
Lueg ned zrugg id vergangeheit wil s läbe got vorwärts.
Wänd dis läbe mit zruggluegä verbringsch laufsch mit em rugge vorus und gsehsch villi schöni sache glegeheite und so mängs glück ned
im gegeteil, du chönntisch liecht stolpere und umgheie, au s ufstoh isch schwiriger wämmer zruggluegt.
Wänd di nur no i dim Bett möchtisch verchrüche machsch aber genau das.
Lueg vorus, mach mit kolleginne oder kollege ab, go en kafi go trinke, go spaziere, in usgang, lueg uf chlini schöni sache.
Dänk dra, s Läbe chunnt vo vorn.
In gedanke a dich, vill liebi und sunne.
