Hallo zämme!
Han mich jetzte äxtra für dä Biitrag do in däm Forum agmäldet.
Dr Biitrag vor Steffy het mis Härz mehr berüehrt als die meischte Biiträg do in däm Forum. Dr Grund derfür isch, dass dr Biitrag uf Schwiizerdütsch gschriibe isch. Für uns Schwiizer isch Hochdütsch en Fröndspraach. Die unter euch wo Hochdütsch spräche chönne sich jo vorstelle als würd mä en änglische Text lääse oder es es Lied loose wo änglisch gsuunge wird. Das tuet euchers Härz sicher au nie so berüehre wie en düütsche Text oder es Lied wo uf düütsch gsunge wird. Derbi chunts nööd drufah wie guet me en Fröndsproch chan, sinni Gfühl wird me immer am beschte in sinnere Muettersproch chönne usdrücke.
Wo süscht sell en Schwiizer sin Liebeschummer in sinner Muettersproch dörfe darlegge wenn niid uf liebeskummer.ch? Mich würds sehr freue wenn mehr Lüüt uf Schwiizerdütsch würde schriibe. Klar bechunnt me denne villicht nööd sovil Antworte wie süscht, aber derfür bechund meh Antworte in sinner eigene Spraach.
Für die wo Hochdütsch spräche giits mehr als gnue Biiträg in däm Forum wo sie chön lääse. Mir zwinge d'Chinese jo au nööd derzue Düütsch z'rede numme damit's mir au verstöhn.
Imene Forum wos nööd um Gfühl goht isches villicht scho besser wenn me Hochdütsch redet. Aber do inne, wo viil Lüüt au Troscht sueche wär en Antwort für mich uf Schwiizerdüütsch viel mehr wärt als hundert Antworte uf Hochdüütsch.
Es Grüessli usm Alpäland.
Han mich jetzte äxtra für dä Biitrag do in däm Forum agmäldet.
Dr Biitrag vor Steffy het mis Härz mehr berüehrt als die meischte Biiträg do in däm Forum. Dr Grund derfür isch, dass dr Biitrag uf Schwiizerdütsch gschriibe isch. Für uns Schwiizer isch Hochdütsch en Fröndspraach. Die unter euch wo Hochdütsch spräche chönne sich jo vorstelle als würd mä en änglische Text lääse oder es es Lied loose wo änglisch gsuunge wird. Das tuet euchers Härz sicher au nie so berüehre wie en düütsche Text oder es Lied wo uf düütsch gsunge wird. Derbi chunts nööd drufah wie guet me en Fröndsproch chan, sinni Gfühl wird me immer am beschte in sinnere Muettersproch chönne usdrücke.
Wo süscht sell en Schwiizer sin Liebeschummer in sinner Muettersproch dörfe darlegge wenn niid uf liebeskummer.ch? Mich würds sehr freue wenn mehr Lüüt uf Schwiizerdütsch würde schriibe. Klar bechunnt me denne villicht nööd sovil Antworte wie süscht, aber derfür bechund meh Antworte in sinner eigene Spraach.
Für die wo Hochdütsch spräche giits mehr als gnue Biiträg in däm Forum wo sie chön lääse. Mir zwinge d'Chinese jo au nööd derzue Düütsch z'rede numme damit's mir au verstöhn.
Imene Forum wos nööd um Gfühl goht isches villicht scho besser wenn me Hochdütsch redet. Aber do inne, wo viil Lüüt au Troscht sueche wär en Antwort für mich uf Schwiizerdüütsch viel mehr wärt als hundert Antworte uf Hochdüütsch.
Es Grüessli usm Alpäland.